कलम ६२ नुसार आर्थिक वर्षाकरिता जमा खर्चाचा अंदाजित अहवाल म्हणजे अंदाजपत्रक होय.

ग्रामपंचायत जमाखर्च विवरण तयार करून आर्थिक वर्षातील पहिल्या ग्रामसभेस सादर करणे आवश्यक आहे. तसेंच वार्षिक जमा खर्चाचे विवरण पत्र ग्रामपंचायत खातेदारांना शासन आदेशाश्रमाणे सरपंच आणि ग्रामसेवक यांचे सहीनिशी देणे, आवश्यक आहे.

ग्रामपंचायतीकडून देय असलेल्या थकित रक्कमा (दायित्व) आणि येणे असलेल्या रक्कमा यांचे वर्षाअखेरीस (दि. ३१ मार्च पूर्वी) विवरणपत्र तयार केले पाहिजे. आर्थिक वर्षातील पहिल्या ग्रामसभेसमोर सरपंच यांनी ते सादर करावे. सदरचे विवरणपत्र दि. १ जून पूर्वी पंचायत समितीस सादर करणे बंधनकारक आहे.

ग्रामपंचायतीला मिळणाऱ्या विशेष उत्पन्नासाठी नमुना ७ पावती दिली जाते व ती सरपंचांनी प्रमाणित करणे आवश्यक आहे. ₹५,००० पेक्षा अधिक रकमेवर रेव्हेन्यू स्टॅम्प लावावा व सर्व पावत्या नमुना ५ च्या दैनिक रोकडवहीत नोंदवाव्या.

महाराष्ट्र ग्रामपंचायत अधिनियम, १९५८ चे कलम १२४ नुसार ग्रामपंचायत हद्दीतील कर आकारणीस पात्र असलेल्या सर्व इमारती व जमिनींची नोंद या नोंदवहीत घेतली जाते.

नोंदवहीत खरेदी व वापर केलेल्या महसुल मुद्रांकांची नोंद घेतली जाते आणि सरपंच दर महिन्याला साठा प्रमाणित करून साक्षांकित करतात. ५ हजार रुपयांपेक्षा अधिक वसुली असल्यास महसुल मुद्रांक लावून पावती देणे ग्रामपंचायतीस बंधनकारक आहे.

ग्रामपंचायतीमार्फत नियुक्त केलेल्या कायमस्वरूपी कर्मचाऱ्यांच्या वेतनाची देयके या नोंदवहीत तयार करण्यात येतात. या नोंदवहीत कर्मचाऱ्यांची वेतनश्रेणी, देय भत्ते, लागू होणाऱ्या कपाती तसेच निव्वळ देय रकमेचा तपशील नोंदवलेला असतो. संबंधित वेतनाची रक्कम अदा करण्यासाठी सरपंचांची मंजुरी आवश्यक असते.

ग्रामपंचायतीच्या मालकीच्या तसेच ग्रामपंचायतीकडे हस्तांतरित झालेल्या सर्व स्थावर मालमत्तांची (उदा. कार्यालय, विहीर, स्मशानभूमी, दुकानगाळे, इमारती, भूमिगत गटारे इ.) नोंद या नोंदवहीत करण्यात येते.

पंचायतीने खरेदी केलेली, संपादित केलेली किंवा शासनाकडून हस्तांतरित झालेली सर्व जमीन, जागा, मोकळी जागा, पडिक जमीन, गायरान इत्यादींच्या सविस्तर नोंदी या नोंदवहीत घेतल्या जातात.

महाराष्ट्र ग्रामपंचायत लेखा संहिता, २०११ मधील नियम १५ नुसार ग्रामपंचायतीने केलेल्या सर्व प्रकारच्या गुंतवणुकीची व त्यावर मिळणाऱ्या व्याजाची सविस्तर नोंद या नोंदवहीत घेतली जाते. दर महिन्याला ही माहिती सर्वसाधारण रोकडवही (नमुना ५) शी तालमेल करून सरपंच / ग्रामसेवक यांच्या स्वाक्षरीने प्रमाणित केली जाते.

ग्रामपंचायत अंतर्गत सरपंच, उपसरपंच, सदस्य आणि कर्मचारी यांना दिलेल्या प्रवास भत्त्यांची नोंद या नोंदवहीत घेतली जाते. हा प्रवास भत्ता ग्रामपंचायतीच्या कामकाजासाठी, प्रशिक्षणासाठी, चर्चासत्रासाठी तसेच शासनाने आयोजित केलेल्या इतर कार्यक्रमांना उपस्थित राहण्यासाठी प्रदान केला जातो.

ग्रामपंचायतीच्या मालकीच्या जमिनीवर, रस्त्यांच्या कडेला, शासकीय कार्यालयांच्या परिसरात तसेच इतर ठिकाणी केलेल्या वृक्ष लागवडीची नोंद या नोंदवहीत घेतली जाते. या झाडांपासून मिळणाऱ्या उत्पन्नाची नोंद तसेच झाडे नष्ट झाल्यास किंवा तोडले असल्यास त्याची नोंद योग्य कारणासह या वहीत केली जाते.